Балтачта социаль хезмәткәрләр һөнәри бәйрәмнәрен билгеләп үтте (+фоторепортаж)

Аларны истәлекле көннәре һәм хезмәт юлында ирешкән мактаулы уңышлары белән тәбрикләргә район башкарма комитеты җитәкчесе Рамил Шакиров та килгән иде.

"Заманалар үзгәреп, тормыш-көнкүреш шартлары яхшырганнан-яхшыра бара. Шул сәбәпле өлкәннәр Сезнең тарафтан күрсәтелә торган социаль хезмәткә аның кадәр үк дәрәҗәдә мохтаҗ түгел кебек. Ләкин "Әле ярый Сез бар, Сез булмасагыз, без нишләр идек?!" дип көн туса рәхмәт белдерүче карамактагы өлкәннәрегез бар. Сезнең һөнәр үз актуальлелеген, тормышта мөһимлеген югалтмый. Намуслы, тырыш хезмәтегез өчен рәхмәт Сезгә, социаль хезмәткәрләр!" дип мактау һәм котлау сүзләрен ирештерде ул. Чыннан да, социаль яклау бүлеге район тормышы, халыкның яшәеше белән тыгыз элемтәдә эшли. Алар һәр нәрсәдән хәбәрдәр, вакытында тиешле карарлар кабул итүдә, халык ихтыяҗларын канәгатьләндерүдә күп кенә сорауларда алар район хакимиятенең һәм башкарма комитетының ярдәмчеләре һәм хезмәттәшләре булып торалар", дип тә өстәде.