Безгә һөҗүм итәләр. Кем ярдәм итә?

Сайтыбызда атна башында “Көз җиттеме, тынычлык бетә. Балтачның Каенлык ягында тагын төлкеләр һөҗүме башланды. Тавык, казларны ботарлап кына ата. Аның өстенә түбән якта яшәүче берәүнең хаски эте дә тынычлыгыбызны алды. Арканда торган сарыкларны куркытудан тыш, берничә хуҗалыкның тавыкларына да зыян салырга өлгерде. Һава суларга алып чыккач этләрне үз яныннан җибәрергә ярамаганын белми, ахры, эт хуҗасы. Һәркемгә үз малы кадерле. Шуны онытмыйк!”, дип язган идек. Сайт укучыларыбыз да әлеге язмага битараф калмады. Ә иң мөһиме – бу мәсьәләне район башлыгы Рамил Нотфуллин киңәшмәдә күтәреп, авыл җирлеге башлыкларына тиз арада әлеге вәзгыятьне үзгәртү чараларын күрергә күрсәтмә бирде.