Татарстанда милли сәясәтне гамәлгә ашыру буенча дәүләт программасының яңа редакциясен расладылар

Татарстанда 2036 елга кадәр милли сәясәтне гамәлгә ашыру буенча дәүләт программасының яңа редакциясен расладылар. Карарны республиканың премьер-министры Алексей Песошин имзалады.

Татарстанда 175 милләт вәкиле яши, диелә документта. Милләтара мөнәсәбәтләрнең торышын уңай бәяләүче халык өлеше тотрыклы рәвештә 80% тан артып китә.

Программаның максатлары арасында:

• Россиянең традицион рухи-әхлакый һәм мәдәни-тарихи кыйммәтләре нигезендә гомумроссия гражданлык тәңгәллеген ныгыту;
• Россиянең этномәдәни һәм тел күптөрлелеген саклау һәм аңа ярдәм итү, аерым алганда, дәүләт төзүче буларак рус халкының берләштерүче ролен ныгыту;
• милләтара һәм динара татулыкны тәэмин итү, экстремизмга һәм милли һәм дини нигездә конфликтлар килеп чыгуга каршы тору. биредә чит ил гражданнарын Россия җәмгыятендә яшәү шартларына җайлаштыруга ярдәм итү механизмнарын камилләштерү каралган;
• дәүләт идарәсен камилләштерү һәм дәүләт милли сәясәтен гамәлгә ашыруны мәгълүмати тәэмин итү, халыкара мәйданда аның объектив казанышларын алга җибәрү.

Исегезгә төшерәбез, Татарстан рәисе Рөстәм Миңнеханов 18 майда дәүләт милли сәясәте концепциясенә үзгәрешләр кертү турындагы указга кул куйды. Өч ай элек Татарстанда милли сәясәт концепциясенең яңа редакциясе турында Халыклар дуслыгы йортында фикер алыштылар. 

Реальное время