Татарстанның халык артисты Винера Ганиеваның тормыш иптәше Камил Фәйзрахмановның арабыздан киткәненә бер ай булды. Винера ханым Камил абыйның каберенә барган.
“Бүген 1 ай булды. Һаман аңга килә алмыйм. Төшемме бу, өнемме? Безнең белән булдымы бу хәл? Ник? Көн саен, минут саен сорау биреп йөрим. Аллаһыбыздан ярдәм сорыйм.
Хатын-кыз башына төшкән мондый югалту - иң зур хәсрәт, иң зур кайгы. Йөрәгем чыдасын гына. Камилем - минем җанымның яртысы. Аны очратмаган булсам, мин чын бәхетнең, чын мәхәббәтнең нәрсә икәнен белмәс идем.
Яратканым минем! Мин синең йөзеңә кызыллык китермәм, мәхәббәтебезгә тугры булырмын”, - дип язган Винера Ганиева Инстаграм сәхифәсендә.
Тулырак: Шәһри Казан
Нет комментариев