Балан бәлеше рецепты

Беренчесе.

Камыр өчен: 1 стакан тулар тулмас стакан шәһәр каймагы(сметана), 1 йомырка, 6,7 аш калагы көнбагыш мае, тоз, ярты чәй калагы песок, он, ярты чәй калагы разрыхлитель салып камыр басам, ял иттерәм камырны 15 минут. Эчлекне бертөрле генә ясыйм нинди камыр белән ясасам да.

Эчлек: иң элек баланны чистартып, чайкалып алам да кайнаган суга салып бер 5 минут тирәсе сикертеп алам, сөзәм, суытам да, кирәк хәтле песок, он, я булмаса манный салып изгәлим. Мин баланның бөтен килеш торганын яратмыйм, шуңа күрә кул белән я булмаса кашык белән изәм. Берәр алма турап салам эчлеккә. Камырымны җәеп эчлекне салып 180 гр та 1 сәг тирәсе, аннан газны кысып 1,5 сәг тирәсе пешерәм. 
 

Икенчесе. 1 стакан тулар тулмас җылы сөт, 1 чәй калагы коры чүпрә, чама белән тоз, 1 аш калагы песок, 3,4 аш калагы көнбагыш мае, он салып камыр басам да, бер 15 минут тирәсе генә тотам да, бәлешемне ясый да башлыйм. Камырны юка җәйгәнне яратам. 

Тәмле булсын!

Чыганак