Бик тәмле «Көнбагыш» салаты

Бу салат өчен 1 тавыкның түш ите, 400 грамм гөмбә, 1 баш суган, 3 йомырка, 150 грамм сыр, зәйтүн, майонез, чипсылар кирәк булачак. Тавык итен һәм йомыркаларны пешерәбез, гөмбә белән суганны кыздырабыз. Салатны түбәндәгечә тезәбез: савыт төбенә туралган тавык итен салабыз (һәр кат саен майонез сөртәбез), икенче катка кыздырып суытылган шампиньон белән суган салына, өченче катка эре угычта уылган йомырка, дүртенче катка исә вак угычта уылган сыр салабыз. Фәкать сыр өстенә генә майонез ягылмый.

Зәйтүнне дүрткә бүлеп, сыр өстен бизибез. Өстәлгә чыгарыр алдыннан «көнбагыш»ыбыз кырыйларына чипсылар тезеп чыгыгыз, уртага исә вак угычта уылган йомырка сарысын сибәбез.

Фоточыганак:https://vk.com/