Люля-кебаб әзерлибез

Гөлзидә Газизуллина, 15 ноябрь 2021 - 17:21

2501

Якыннарыгызны люля-кебаб белән сөендерегез әле.

Люля-кебаб әзерләр өчен иң элек фарш әзерлибез, нинди иттән дә ярый. Мин үзем сарык ите кулланам. Әмма фарш майлы булырга тиеш. Массага вак итеп туралган суган кушабыз, кипкән базилик, кинза, зира, кара борыч, кызыл борыч, тоз салып яхшылап 15 минут болгатабыз. Фарш шампурда яки шпашкада яхшы ябышып торсын өчен 10 минут тирәсе итне отбивать итәбез, ягъни фаршны учка алып, көч белән савытка атабыз. Әзер фаршны шпашкаларга тезәбез дә духовкада яки мангалда сеткага тезеп, әйләндереп пешерәбез. Люля-кебабны шулай ук шампурларда да пешерергә мөмкин. Тәмле булсын!