«Татлы баклажан» салаты рецепты
Баклажаннан тәмле салат ясап ашарга мөмкин, аңа әчкелт-баллы соус салырга кирәк.
Баклажанны юарга, эре шакмак итеп турарга. Аларга 2 аш кашыгы крахмал салырга һәм яхшылап болгатырга. Кыздырган вакытта баклажан кетерди торган була һәм майны күп сеңдерми.
Баклажанны иссез үсемлек маенда һәрьяклап кыздырырга, кәгазь салфеткага тезеп, маен сеңдерергә.
Соус өчен икенче савытка өчәр аш кашыгы соя соусы һәм дөге серкәсе (рисовый уксус), 40 мл үсемлек мае, 1 аш кашыгы шикәр комы, вак итеп туралган сарымсак салырга һәм шикәр комы эрегәнче болгатырга.
Көнҗет орлыгын коры табада бераз киптереп алырга.
Салатны аерым тәлинкәгә җыябыз. Иң аскы өлешкә туралган помидор, өстенә кызган баклажан, соус салырга, яшеллек һәм көнҗет орлыгы сибәргә.
Тәмле булсын!
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев