«Сосна» күмәк хужалыгы быелгы урып-җыюга җитди әзерлек белән килде, дип әйтергә нигез бар. Амбар хужалыгы районда беренчеләрдән булып газга тоташтырылган иде һәм аның кирәге чыкты да.
Беренче булып сугылган 1000 центнер көзге бодай артык дымлы булгач, киптерү агрегаты аша үткәрә дә башлаганнар. Амбар мөдире Габдрахманов Таһир әйтүенчә, «яӊа игеннәрне кабул итүгә хәзерлек бер көндә генә башкарыла торган эш түгел», монда һәркемнеӊ ярдәме зур булган. Әнә бит, үзләре орчыктай егетләр («аларны малайлар, дип әйтергә тел әйләнми) амбар тирәләрен чүп үләннәрдән чистарталар, олы абыйлары нинди эш куша, «хәзер», дип үтәргә торалар. Шулай тырышып эшләгәч, укучыларга 1 сентябрь көнендә хуҗалык идарәсе дә акчалата бүләкләр тапшыра, димәк эшләгәннәрен күрәләр.
Нет комментариев