Яңа тормышлылар кышка инде әзер (+фоторепортаж)

Районда авыл хуҗалыгы продукциясе җитештерүнең 5 айлык эш нәтиҗәләре турында киңәшмә бу хуҗалыкта үткәрелүе һич тә очраклы түгел. Һәр өлкәдә тотрыклы эшләүче «Яӊа тормыш»ныӊ күрсәткечләре елның елында югары. Икътисади нәтиҗәләр буенча хуҗалык республикада мактаулы. Терлек торакларын караганнан соң киңәшмәдә катнашучылар, яңгуллылар инде кышка әзерлекне тәмамлау алдында икән, дигән нәтиҗә ясадылар. Ике урында урнашкан терлекчелек комплексыныӊ агарту, буяу эшләре тәмамланган, зур реконструкция эшләре дә алып барыла. Яӊасын өлгертсәк, буаз сыерларны тәрбияләү торагы куелган барлык таләпләргә җавап бирәчәк, ди ферма мөдире Илһам Рафиков. Киӊәшмәнеӊ икенче өлешендә район авыл хуҗалыгы һәм азык-төлек идарәсе башлыгы Фирдәвес Набиуллин тарафыннан, монда килеп өйрәнергә һәм хуҗалыкныӊ эш тәҗрибәсен башка хуҗалыкларда да яраклаштырып куланырга кирәк, дигән фикере нигезле иде.