Алина нош ик нырысетӥ

Шумпотымон, вормисьёс но призёръёс пӧлын асьме ёросысь этнокультурной компонентэн школаосысь дышетскисьёс но вань. Покчи Лӧзя шоръёзо школаысь 10-тӥ классын тодон-валан басьтӥсь Алина Калинина (дышетӥсез Н.Л.Антонова) нош ик нырысетӥ инты басьтыса вормисе потӥз, нош Шор Кушкет шоръёзо школаысь 11-тӥ классын дышетскись Алина Петрова (дышетӥсез М.П.Николаева) но Ципья шоръёзо школаысь 9-тӥ классын дышетскись Ольга Александрова (дышетӥсез И.А.Чернова) призёръёс луизы. Нылъёсты но соослэсь дышетӥсьёссэс азинсконъёсынызы сюлмысь ӟечкыласа, азьланяз эшшо но бадӟымесь вормонъёсын мед шумпоттозы шуыса мылкыд кариськом. Нош Алиналы удмурт кылъя но литературая улосвылкуспо олимпиадае пыриськыса, вормонэ вутскыны, Покчи Лӧзя школалэсь но Балтась ёрослэсь данзэ утьыны мед кылдоз.