Асме нылпиосты дышетонлы сӥзисько

Та праздниклэсь вуэмзэ аспӧртэм сюлэм бугырсконэн, ӝутӥськем мылкыдын витиз милям историяя, обществознаниея но англи кылъя дышетӥсьмы Мамыкова Лариса Григорьевна но.

…1985-тӥ арын Ципья шоръёзо школаез йылпумъямез бере Лариса Григорьевна Казаньысь педагогикая кун институтэ дышетскыны пыре но 1990-тӥ арын аслаз дышетскем школаяз берытске. Шор Кушет школаын со 1993-тӥ арын  ужаны кутске. Ми Лариса Григорьевналы малпамы кӧня ке юан сётыны:

— Малы Тӥ дышетӥсьлэсь ӧнерзэ бырйиды? Ма Тӥледлы кельшиз та ужын?

— Пичи дырысен дышетӥсь луон сярысь малпаськи. Нылпиосты визьнодаме потэ вал, маке но вылезлы дышетэме. Мазэ веранэз, нырысетӥез пример мон понна луиз нырысетӥ дышетӥсе. Со милям туж строгой вал. Но валтӥсез — мыным кельше вал та профессия, кельше вал дышетӥсьёслы адӟем карыны.

— Сюлэмдыя-а быръем ӧнерды?

— Бен. Чылкак сюлэмъя.

— Малы одно ик та предметъёсты — англи кылэз, историез но обществознаниез — бырйиды?

— Конечно, мыным туж кельшо вал история но обществознание. Ваньмыз  пӧлысь та  предметъёс мынам сюлэмея вал. Мыным кельше, куке дышетскисьёсы мылысь-кыдысь кыӵе ке темаосты верало. Мыным кельшо адямиос, кудъёсыз, маке сярысь вераса, ивор вуттыны быгато. Ӵапак соин мон точной луисьтэм тодосъёсты бырйи. Мынам сюлэмъям, ку трос мадё, верасько. Со сяна, та сыӵе предметъёс, кытын туж трос информациез тодыны кулэ.

— Тӥледлы кельше-а нылпиосын ужаны?

— Туж. Со мынам профессиям тужгес валтӥсез. Нылпиосын трослы капчигес. Соос сыӵе адямиос, кудъёсыз али ӧжыт тодо, но мар ке но тодыны тыршо, нош дышетӥсь ас черодаз выль тодон-валанъёсты басьтыны мылкыд карись дышетскисен кусып возьыны дась луыны кулэ.

— Ма Тӥ понна со дышетӥсь луон?

— Нылпиосты дышетыны, соин ӵош аслыд но дышетскыны — та мынам профессиям тужгес валтӥсез. Дышетӥсь луон понна, призвание кулэ.

— Кыӵе шуг-секытъёсын Тӥледлы пумиськыны тупа?

— Туннэ нуналэ дышетӥсь понна тужгес секытэз — со выль технологиосты уже кутон. Но пумен солы но дышетскиськод. Татын юрттэт кизэс сёто дышетскисьёс.

— Тӥляд малпамдыя, кыӵе луыны кулэ дышетскись?

— Кылкутӥсь, тунсыкъяськись. Адямилэн, нылпилэн тунсыкъяськонэз ӧвӧл ке, озьыен, ваньмыз, ма со понна лэсьтэ азьланьын дышетӥсь, — со юнме ортчытэм дыр. Мыным потэ, котьку тыршыны кулэ, тунсыкъяськон медаз кысы шуыса.

— Кызьы Тӥ малпаськоды, макем кулэ но пайдаё луэ дышетӥсьлэн профессиез?

— Дышетӥсь, мынам малпамея, — тужгес кулэ профессия. Кин гинэ со медаз луы: президент, депутат, инженер — ваньзы соос дышетӥсь, нылпиосты визьнодась но тодон-валан сётӥсь адями пыр ортчемын.

— Лариса Григорьевна, Тӥ туэ пусйиды 55 арес тырмондэс. Соин валче но 8-тӥ южтолэзен ӟечкыласа, сӥзиськом ми Тӥледлы шуныт тулыс мылкыд, трос сяська, шумпотонъёс, дышетскисьёсын тупаса, нош ӵош ужасьёсты пӧлын гажамон луыса ужаны, матысьёстылэсь сюлмаськемзэс, яратэмзэс шӧдыса улыны. Шудо дыръёс но ӟеч иворъёс Тӥледлы!

Родион Исаев,

Шор Кушкет школаысь10 классын дышетскись