Балтасьёс вормисьёслэн радъёсазы
Кемалась ӧвӧл Татарстанысь тужгес умоез почтальон пусйиськиз. Та конкурсын гуртъёсын, пичи городъёсын ужась почтальонъёс пӧлысь одӥгзэ бырйизы но абонентъёс ласянь вылӥ показательёсы вутскем но журналъёслы тужгес уно гожтэм почта отделениос шараяськизы.
Тужгес шумпотымонэз, «Татмедиа» акционерной обществолэн пресса залаз ортчем кузьымъёсын пусъён сӥё-дано ужрадэ балтасьёс но пыриськизы. Вормисьёсты «Татмедилэн» генеральной директорез Андрей Кузьмин ӟечкылаз. Тыршись ужасьёслы ас номинациоссыя 15 но 30 сюрс манетэн коньдонкузьым сётӥськиз.
Республиканской конкурс ньыль номинациын ортчиз. «Тужгес умоез гурт почтальон» номинациын Ципья почта ёзэсысь почтальон Екатерина Зайнуллина вормисе потӥз, нош тужгес умоез почта ёзэс Шор Кушкет отделение луиз.
Улосчиосмес та бадӟым вормонъёсынызы сюлмысен ӟечкыласьком. Вуоноын но ужазы азинсконъёс, тазалык сӥзиськом. Ялан озьы ог-огместы валаса, пыкет луыса, одӥг ужпумен ужаны мед кылдоз. Тау ужамды понна!
— Гуртысьтымы почта ёзэслэн бадӟым конкурсын вормемезлы ми туж шумпотӥськом. Тыршыса ужамен басьтэм вормон та. Газетъёсты дыраз басьтӥськом, вис каремзы ӧвӧл, — шуэ Шор Кушкетысь Ольга Кунаева.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев