1-10 декабрь нуналъёсы районысь вань почта ёзъёсын газет-журналъёслы гожтӥськонъя декада ортчытӥськоз. Та дыр куспын «Азьлане» газетлы кулэстэм дунъя - 560 манет 52 коньыен - гожтӥськыны луоз.
Эшшо созэ но тодады вайытӥськом на - «Татмедиа» акционерной общество 2017-тӥ арлэн нырысетӥ паларезлы газет-журналъёслы гожтӥськисьёс пӧлын выльысь призъёс шудытэ. Таяз учыре но валтӥсь приз - телевизор, озьы ик куинь цифровой фотоаппарат но Кукморын поттэм посуда. Самой уно газет-журналъёслы гожтӥськемъёсты но тунсыкъяськытӥсь кузьымъёс витё.
Акцилэн куронъёсыз огшорыесь: «Татмедиа» обществолэн ӧжытсэ куинь газет-журналэзлы (оскиськом, одӥгез «Азьлане» газет луоз шуыса) гожтӥськоно но квитанцидылэсь копизэ таӵе адресъя лэзёно: 420066, Казань город, Декабристъёслэн урамзы, 2-тӥ юрт яке podpiska@tatmedia.ru. Асьтэлэсь телефон номердэс гожтыны но «Акция» шуэм пус пуктыны эн вунэтэ.
Нет комментариев