«Лагерьын шутэтскиськом, ПДД-ез утиськом»
Покчи Лӧзя гуртысь «Дружба» гужем нылпи лагерьын 21 июне ПДД-лэн нуналыз ортчиз — сюрес вылын ветлон кышкыттэмлыкъя профилактика ужрад.
Лагере ветлӥсь нылпиослэн Лилия Хадиеваен, Балтась районысь «Сюрес вылын ветлон кышкыттэмлыкъя» учреждениен кивалтӥсен, пумиськонзы туж пайдаё но пуштросо луиз. Со нылпиосты районысь сюрес вылын луэм шудтэм учыръёслэн статистикаеныз тодматӥз, озьы ик нимысьтыз ик пусйиз, гужем сыӵе учыръёслэн кышкытлыксы вылӥгес луэ шуыса.
Вераськон актовой залын ортчиз. Нылпиос туж сак кылзӥськизы, тунсыкъяськытӥсь юанъёс сётъяса, соослы валэктонъёс басьтӥзы.
Озьы ик пиналъёс асьсэос тунсыко театрализованной адӟытон но дасязы. Нош Лилия Мухамметовна нылпиосты пичигес кузьымъёсын шумпоттӥз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев