«Мудорвай» конкурсэ сизьым ар ӵоже 4761 нылпи пыриськем
«Мудорвай» конкурслэн финалэз 2023 арын 22 толсуре Татарстанысь Калыкъёслэн эшъяськон юртазы ортчиз.
2023-тӥ арын улосвылкуспо «Мудорвай» конкурслэн финалаз Татарстанысь но Удмуртиысь огъя 120 нылпи потэм. Куинь толэзь ӵоже Татарстанысь ёросъёсын вожвылъяськонлэн 9 быръён туръёсыз ортчизы. Собере Кукмор, Балтась но Агрыз ёросъёсын радъяськизы гала-концертъёс.
2023 арын конкурс бигер кылэз но Татарстанын улӥсь мукет калыкъёслэсь анай кылъёссэс утёнъя но азинтонъя Татарстан Республикалэн Раисэз бордын кылдытэм Комиссилэсь юрттэтсэ басьтӥз. Та сярысь ивортэ Татарстанысь удмуртъёслэн ВК-ысь огинзы.
Пусйыны кулэ: конкурс сизьыметӥ арзэ радъяське ини. Со дыр ӵоже вожвылъяськонэ огъя 4761 нылпи пыриськем, соос пӧлысь ӝыныезлэсь тросэз — бигер, ӟуч, пор но мукет калыкъёсысь пиналъёс. Шумпотымон, Балтась ёросысь но та конкурсэ пыриськись пиналъёслэн лыдзы арысь аре йылэ. Та туж умой. Озьыен, удмурт лулчеберетэн тунсыкъяськон будэ.
Тодады вайытӥськом, «Мудорвай» конкурслэн финалэз 2023 арын 22 толсуре Татарстанысь Калыкъёслэн эшъяськон юртазы ортчиз.
Туспуктэмъёсын Ципья нылпи садысь но школаысь пиналъёс.
Туспуктэмъёс: М. Васильева
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев