«Мудорвай» вожвылъяськонэ воштонъёс пыртэмын
Элькунамы улӥсь удмуртъёслэсь лулчеберетсэс но сям-йылолъёссэс утьыны ялэм конкурс туэ понна 7-тӥзэ ортчоз.
Арлы быдэ нылпи садэ ветлӥсь но покчи классъёсын дышетскись пиналъёс понна радъяськись вожвылъяськон шулдыр но аспӧртэмлыко ортче.
Удмурт лулчеберетэн герӟаськемын ке но, вожвылъяськонэ пӧртэм калыкысь пиналъёс пырисько.
Котькуд аре пыриськисьёс яркытэсь, рос-прос дасям творческой номеръёсты чебермам дӥськутэн но кулэ луись арбериосын узырмыто. Соос удмурт лулчеберетэз пӧртэм удысъёсын возьматыны тыршо. Кивалтӥсьёссылэн но малпанъёссы арысен аре узыргес но йӧспӧртэмгес луо. Удмурт кылын кылбуръёс интые но ӵемысь театральной сценкаос пуктӥсько.
Соин ик туэ вожвылъяськонэ выль номинация пыртыны малпамын — «Театральная миниатюра на удмуртском языке». Татчы пыриськыны быгатозы 2-10 кузя нылпиос. Выступление 3 минутозь луыны кулэ.
Озьы ик тодмостыны кулэ на: «Мудорвай» копак офлайн форматэ кӧчемын, соин ик удмурт выжыкылъя суред лэсьтон номинация куштэмын.
Положениез чакласа, заявкаосты 20 коньывуонозь сётыны эн вунэтэ! Вожвылъяськонлэсь положенизэ Татарстанысь удмуртъёслэн ВК-ысь огинысьтызы шедьтыны луэ.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев