Праздник шулдыр ортче соку, куке калыклэн аслаз вань мылкыдыз шулдыръяськыны . Нош удмурт калык ачиз но шулдыръяськыны усто, мукетъёсты но капчиен шулдыртэ.
Котькуд аре асьмеос та веранэз юнматӥськом «Гырон быдтон» праздникамы. Туэ но возьытэ ӧм усе, Ципья музъем вылын ортчем «Гырон быдтонын» мылысь-кыдысь шулдыръяськимы, шутэтскимы ( ужрадэз, конкурсъёсты но шудонъёсты ортчытӥсьёс но, быдэстэм ужзылэсь бервылзэ адӟыса, капчиен шокчизы, луоз). Ворекъясь яркыт удмурт дӥсь, жингрес кырӟанъёс но ӟырдыт эктонъёс, тунсыко шудонъёс-вожвылъяськонъёс нокинэ но мылкыдтэм ӧз кельтэ, дыр, шуыса малпасько. Та сярысь пыр-почгес газет бамъёсысьтымы лыдӟоды.
Бен, праздник ортчиз, но сюлэмъёсын ар ӵожелы тырмымон шулдыр мылкыд но чебересь тодэ ваёнъёс кылизы. Ӵектӥськом тӥледлы та шудо минутъёсты тодэ вайытӥсь туспуктэмъёсты учкыны.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев