Пичи гинэ гурт, нош кыӵе эшлыко уло, валче шулдыръясько (фото)

Тани туэ но чылкыт омырын шулдыръяськон, ческыт табань сиён понна огазе люкаськиллям. Иванова Ириналэн кичӧлтэмезлы луыса, шулдыр ужрад радъяллям. Быдэс гуртэн люкаськыса (куазь кезьыт луэмысь, пересьёссы гинэ ваньзы потыны дӥсьтымтэзы), городысь бертэм куноосын ӵош мылысь-кыдысь шулдыръяськиллям. «Шудӥмы, шулдыръяськимы, кырӟамы (шумпотымон, асьсэлэн мызганчизы но вань соослэн — Фёдоров Виталий гуртозы — О.П.), кык турлы табанянь пыжимы — бадӟымзэ но, пичизэ но. Со сяна, эшшо шурпа пӧзьтӥмы. Нылпиослы шудонъёс ортчытӥмы. Нимысьтыз дасям сульдэрез ӝуатӥмы. Азьло аръёсы чеберъям валэн но ветлӥськомы вал, но туэ куазь кезьыт луиз. Нимысьтыз ик пусъем потэ Пиляевъёслэсь но Ивановъёслэсь семьяоссэс. Соос трос тыршизы праздникез ортчытон понна», — ивортӥз милемлы Бадӟым Лӧзя гуртысь Людмила Егорова.

Озьыен, ваньмыз мылкыд карон бордын луэ. Тӥни ук пичи гинэ гурт, нош кыӵе эшлыко уло, валче шулдыръясько. Та тросэзлы адӟем карымон.