Сӥлы каризы

Тани ми но та арлыдэ вуим ини. 3 коньывуонэ, вордскем нуналам, аслам дышетскисьёсылэн нимынызы Вавилов Родион но Петрова Вилиана сяська керттэтэн но саламъёсын лыктыса ӟечкылазы. Туж шумпотыса мон соосты пумитай. Со нуналэ ик, арлыдоослы салам сётъяса, Покчи Лӧзя школаысь дышетӥсь Петрова Галина Денисовна гурт поселенилэн кивалтӥсеныз ӵош вуизы.

Нош 5 коньывуонэ милемыз, ветеран дышетӥсьёсты, Покчи Лӧзя школае люказы. Ваньмылы ик таӵе пумиськон шумпотон вайиз. Нырысь ик ми концерт учкимы. Сое дасязы дышетскисьёс Галина Денисовналэн кивалтэмез улсын. Собере узыр ӝӧк сьӧрын чай юимы, тодамы вайимы ужан дырмес. Школалэн коллективез милемлы шуныт пумиськон радъяз. Вань дышетӥсьёслэн сюлэмзы таукарон мылкыдъёсын тырмиз.    

Та арня эшшо одӥг праздникен узыр вал. Покчи Лӧзя нылпи садэ арлыдоослы сӥзем празднике ӧтизы. Пиналъёс, Лӧзя нылпи садын ужасьёс но трос шумпотон но шулдыр мылкыд кузьмазы. Ваньзылы ик тазалык, шуд, ужазы азинсконъёс, семьяосазы тынӥсьлык.

Екатерина Иванова,

Вылын Ушма гурт