Ӟуч лулчеберетъя йӧскалык огазеяськонлы — 10 ар

Со организацилэн 10 ар тырмемезлы сӥземын вал. Сӥё-дано ужрадэ лулчеберет но дышетон ужъюртъёсын ужасьёс, оскон удысысь представительёс пыриськизы. Озьы ик сӥ-дано ужрадлэсь вылӥ уровеньын ортчемзэ кивалтон удысысь куноослэн пыриськемзы но юнматӥз. Гажано куноос пӧлын ТР-ысь Премьер-министрлэн мерлыко ужпумъёсъя воштӥсез Лейла Фазлеева, ТР-ысь Президентлэн Аппаратэзлэн кивалтӥсезлэн воштӥсез, ТР-ысь внутренней политика ужпумъёсъя Президентлэн Департаментэзлэн кивалтӥсез Александр Терентьев но мукетъёс вал. Соос, шуныт но чебер кылъёс вераса, вань люкаськем калыкез ӟечкылазы, Лейла Ринатовна Татарстан Республикалэн Президентэзлэсь ӟечкылан кылъёссэ но вуттӥз.

Пукетлэн ужаз озьы ик асьме ёросысь делегатъёс но пыриськизы: огазеяськонлэн Балтась ёросысь ёзэтэзлэн Кенешезлэн председателез Анастасия Данилова, солэн кивоштӥсез Анна Филипова, Кенешлэн ёзчиез, огазеяськонлэн Балтась ёросысь Егитъёслэн ёзэтэныз кивалтӥсь Римма Гараева но Кенешлэн эшшо одӥгез ёзчиез Тамара Плотникова.

Сӥё-дано ужрадын сётэмын вал данъетъёс но данъян кагазъёс. Верамын вал калык огазеяськон, вашкала йӧскалык лулчеберетэз утён но азинтон сярысь трос кулэ но чебер кылъёс.

Ӟуч лулчеберетэз но калыкъёс куспын эшлыко но тупаса улонэз утёнэ но азинтонэ бадӟым люкет пыртэмзы понна асьме делегатъёсмы но Таукарон гожтэтъёсын пусйиськизы.

Фото: А. Данилова