«Удмурт дунне», » Ошмес» но Йӧскалык библиотека ( +фото )
Ужрад выль тодматсконъёсын тодэ кылиз
"Азьлане" газетын ужасьёслы Ижкарын Йӧскалык печатьлэн нуналэныз валче радъям ужрадын тунсыко выль адямиосын тодматскыны, мукет газетъёсысь но журналъёсысь ужъюлтошъёсынызы пумиськыны луонлык кылдӥз.
Одӥгез пайдаё опыт луиз "Удмурт дунне" газетлэн редакцияз вуылон.
"Удмурт дунне" - Удмурт Элькунысь валтӥсез удмурт газет. Озьы ик со Россиысь йӧскалык изданиос пӧлын но тужгес умоез газет луэ. Малпасько, та вань удмуртъёс понна шумпотымон но данъяськымон вормон.
Тау туж бадӟым газетлэн валтӥсь редакторезлы Елена Миннигараевалы тунсыко экскурсия понна. Со тодматӥз милемды редакциын ужасьёсын, ужан радлыксы но амалъёссы сярысь мадиз. Со сяна, Елена Васильевна, аслэсьтыз дырзэ жалятэк, милемлы Удмуртиысь Йӧскалык библиотекае но пичияк экскурсия радъяз. Тупатъян ужъёс бере тодмантэм воштӥськем Удмуртилэн валтӥсь лыдӟонниезлэн юртэз. Ваньмыз выль, туала.
Котьку сямен, трос калыкез люкась ужрадъёс - со выль тодматсконъёс, пайдаё опыт. Йӧскалык печатьлэн нуналэзлы сӥзем ужрадын но сыӵе пумиськонъёс луизы. Ми матысен тодматскимы Башкортостанын потӥсь "Ошмес" нимо удмурт газетын ужасьёсын, "Мынам Удмуртие" каналын ужась Елена Плотниковаен.
Пыр-почгес "Азьлане" газетлэн бамъёсаз
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев