Удмурт кылын шонер гожъяськыны быгатэммес эскеримы
«Удмуртия» телерадиокомпания но Удмурт кун университетысь Удмурт кылосбуръя, финно-угроведениея но журналистикая институт Удмуртиысь Национальной политикая министерствоен но Вань удмуртъёслэн «Удмурт Кенеш» мерлыко огазеяськонэнызы ӵош Удмурт Шаерын но солэн палэназ «Бадӟым Удмурт Диктант» гожтонэз радъязы.
Та ужрадэ асьме ёрос но итӥськиз – 31-тӥ южтолэзе Покчи Лӧзя шоръёзо школаын мылкыд карисьёс, удмурт кылын шонер гожъяськемзэс эскерыса, удмурт диктант гожтӥзы. Диктант орчытӥськиз тодмо удмурт кылбурчиослэн, Кузебай Гердлэн но Ашальчи Окилэн, вордскемзы дырысен 120 ар тырмонэн валче. Та темалы ик сӥземын вал Покчи Лӧзя школалэн актовой залаз возьматэм видеофильм но. Удмурт кылын диктант гожтыны лыктэм адямиос пӧлын ёросысьтымы пӧртэм арлыдэн нылпиос, дышетӥсьёс, «Азьлане» газетын ужасьёс но дышетон удысысь ветеран, Покчи Лӧзя школалэн азьвыл директорез Пётр Васильевич Байтуганов вал. Азьланяз удмурт кылэз дышетон, сое утён но азинтон ужпумлы саклык висъянмес будэтонлы чаклам таӵе пайдаё ужрадэ пыриськыны мылкыд карись адямиос тросгес луозы шуыса оскем потэ.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев