Удмурт писательёсмылэн сӥё-дано юбилейёссы пусйиськозы (азьланьтонэз)

Николай Егорович Белоногов — сӥё-дано писатель, журналист, «Советской Удмуртия» газетлэн корреспондентэз. Вордӥськиз Бондюжской (туала Менделеевск) ёросысь Вандэмо (Монашево) гуртын 1938 арын крестьян семьяын. 1966 арын экстерн амалэн йылпумъяз шоръёзо школаез. Дышетскон сюрессэ азьланьтӥз Быдэс Союзысь юридической институтын, но висьыны кутскеменыз, йылпумъяны сое солы ӧз йӧты.

Печатласькыны 1950-тӥ аръёсы кутскиз, нош ужан сюресэз дас куать аресысен лыдъяське ни. Связь удысын ужаз, сюрес лэсьтонын но тыршемзэ возьматӥз. Ужаны вутскиз пӧртэм интыосын: ёрос газетын, Алнаш ёросысь быдэсъясь (исполнительной) комитетлэн лулчеберет ёзэтэныз кивалтӥз. 1971 арысен ужан сюресэз пыраклы «Советская Удмуртия» газетэн герӟаськиз. Элькун но ёрос газетъёсын, коллективной бичетъёсын печатласькиз.

Нырысетӥ литературной гожтосъёсыз 1958 арын печатласькизы, бератаз «Советская Удмуртия», «Дась лу!» газетъёсын но «Молот» журналын. Солэн веросъёсыз но очеркъёсыз элькун радио пыр но чузъяськизы.

Нырысетӥ книгаез — «Эн чигы сяськаез» — дуннее 1982 арын вуиз. Татчы 6 верос пыртэмын, соос пӧртэм пуштросо, лыдӟись понна тунсыко луэ, малы ке шуоно огшоры калык возьматэмын, соослэн нуналмысь нуналэ быдэсъяськись ужъёссы. Кӧня ке гожтосъёсыз коллективной бичетъёсы но пыризы. 1989 арын печатласькиз прозаен бичетэз. 

1995 арын сюлэмыз йыгаськемысь дугдӥз... Пыраклы сьӧраз нуиз вань чылкыт но шонер малпанъёссэ, калыклы кулэ луись но дуно веранъёссэ. Кин тодэ, оло туннэ со шаермы понна бадӟым лул кужым ӝутӥсь луысал.
Солэн геройёсыз — туала гуртысь калык, промышленной предприятиосысь ужасьёс но мукет удысысь тыршисьёс. Соослэн улон но ужан сюресъёссы вольыт, шонер ӧвӧл, соин но соос югытлы кыстӥсько: шонерзэ утчало, нравственной дунлыкез гажало, вань сюлмынызы чылкыт нимзэс утё.
2002 арын солы Удмурт Элькунлэн калык поэтэз ним сётэмын. Туэ солы 85 арес тырмысал.

Кыкез но писательёсмы дано луэмын асьсэ вордӥськем шаеразы но, Удмурт Элькунын но. Соослэн лул кужым сётӥсь мылкыдъёссы адямиослэн йыръёсазы кужмо чузяськись малпанъёсын шуккисько но асдыръем (актуальной) луо. Чуръёсазы шедьтыны быгатоды адямилы кулэ луись индылэтъёсты. Валаса, рос-прос лыдӟид ке, соос пыр адями аслэсьтыз улонзэ чылкак шонертыны, воштыны быгатэ. 

Вань югдытӥсьёс дышетӥзы дуннеын валаса но гажаса улыны. Соослэн кылбуръёссы, веросъёссы, очеркъёссы пыр котькудӥз аслыз пайдаёзэ шедьтоз, каньыл мылкыд басьтоз. Самой секыт но шимес вакытэ соос ӧз кысэ, ӧз куштӥське асьсэ малпанъёссылэсь, соин калык пӧлын но зэмос кужым ӝутӥсь луизы. Таланто луэменызы кылъёссы муресь но пуштросоесь. Соос огшоры адямилэн сюлмаз пыро но пӧртэм пумо мылкыдъёс бугырто.

Удмурт калыклэн трос таланто гожъяськисьёсыз. Куд-огез соос пӧлысь пыраклы вунэтэмын, кылемын историлэн мур инъетъёсазы гинэ. Кинлэсь ке узыр тодон-валан сётӥсь шыкыссэ али гинэ шедьтыны кутскиськом. Соосты данъяса возьыны кулэ. Зэмос улонэз возьматӥсь тодон-валанъёс уг ватӥсько туала компьютерной сӧзнэтын, соос сьӧд букваосын ӵужпыръем луэм книгаослэн бамъёсазы гожтэмын. Оло, аръёс ортчыса, выльысь вашкалаослэн дунневаланазы берытскыса, адямивыжы валаны кутскоз но дунъялоз адямилэсь улонзэ, адямилэсь тыршемзэ но ужъёсызлэсь бервылъёссэ.

Ӵапак вылӥ дунъетъёслы ик дышето гожъясьёслэн произведениоссы. Соос шараяло адямилэсь лулпушсэ, возьмато адямилэсь улонзэ мукет учконысен. Эн вунэтэ шонер малпан гожтӥсьёсты! Котькудӥз соос ас дыраз сӥё-дано мед луозы!