Уж пӧзе

Ильнур, 16 май 2014 - 07:27

1691

Валэс культураосты кизён понна 41893 гектар музъем дасяны кулэ. 16-тӥ майлы солэн 36240 гектарез дасямын.

«Татарстан», «Дуслык», «Сосна», «Алга» хозяйствоос та ужзэс йылпумъязы. «Активист», «Труд», «Якты юл», «Кама» хозяйствоосын но трос ӧз кыльы ини. «Уныш», «Арбор», Тукай нимо, «Маяк» обществоосын дасяно бусыоссы трос али. Огъя валэс юосты кизёнъя ужлэн мынэмез улӥысь сводкаын адске. Лыдпусъёс возьмато 16-тӥ майлы кизем музъемлэсь площадьзэ планэн ӵошатыса (процентъёсын).

Татарстан	88
Труд	88
Кама	86
Сосна	82
Активист	81
Сурнай	79
Бурбаш	78
Яна тормыш	78
Игенче	77
Дуслык	76
Смаиль	75
Маяк	74
Кызыл юл	74
Борнак	74
Алга	71
Якты юл	67
Тимирязев нимо	61
Арбор	60
Тукай нимо	49
Уныш	41
Районъя	74

Уноез хозяйствоос тысё юосты кизёнэз но йылпумъязы. «Татарстан», кылсярысь, ини палэнысь арендае басьтэм бусыосаз кизе. Районын кукурузаез силослы шуыса 5897 гектаре кизьыны чакламын. Та нуналлы солэн одӥг куиньмосэз киземын. Солэн бадӟым люкетэз «Дуслык», «Труд», «Алга», «Яна тормыш», «Смаиль», «Маяк» хозяйствоосын. 11 хозяйство туэ ваньзэ 506 гектар картофка мерттыны чакла. Солэн 130 гектарез «Татарстан»-ын (со пӧлысь 30-эз мерттэмын ини). «Бурбаш» - 37 (планъя 46), «Сурнай» 15 (планъя 50) гектар мерттӥллям. «Татарстан», «Сурнай», «Арбор» хозяйствоосын кизем удъёс потытозь усыяны кутскизы. Тимирязев нимо хозяйствоын 210 гектар музъемын кизем юосты жагтурынъёслы пумит обработать кариллям. «Алга»-ын удъёс потэмлэсь азьло усыяны кутскиллям