Бакчаны ничек яңартырга?

— Иске бакчада агачлар еш кына ташландык хәлдә, авыру, кисүне, карауны, дәвалауны таләп итә. Ләкин кайчак карт агачлар һәм куаклар берничә ел карап торганнан соң да уңыш белән сөендерми.

Җимеш бирүнең дәвамлылыгы күп факторларга бәйле: климат, туфрак, җир асты сулары дәрәҗәсе, карау.

Кара карлыган биш-алты яшьтән алып ун яшькә кадәр актив җимеш бирә, кызыл һәм ак карлыган озаграк яши.

Крыжовникның уңдырышлылыгы 7-12 яшькә туры килә.

Зелпе ─ җиләк куаклары арасында иң озак яшәүче, ул 20 елдан артык уңыш бирә, әмма еллар узган саен җиләкләре ваклана.

Җимешендә төш булган агач биш яшьтән 15 яшькә кадәр продуктив. Чия, төче чия, слива, алыча, абрикос, персик бары тик көньяк төбәкләрдә генә картаюга кадәр яши. Урта полосада алар начар кышлый һәм ешрак авыруларга дучар була.

Кәрлә алмагачлар 15 яшькә кадәр үзләренең максимумын күрсәтә. Бары тик биек алмагачлар һәм грушалар гына дистә еллар яши ала.

Иске бакчаны әкренләп үзгәртегез, елына берничә үсенте утыртыгыз.

Автор: Резеда Галикәева

Чыганак