Куныр укучылары ветеранда кунакта (фото)

«Авылыбызда бүгенге көндә ике генә тыл ветераны яши: Вахитова Мәрхәбә апа белән Гомәрова Рәхимә апа. Укучылар белән Рәхимә апаны Жиңү бәйрәме белән котладык» дип хәбәр итәләр Куныр урта мәктәбеннән.

92 яшендә булса да, хәтере дә, зиһене дә бик әйбәт Рәхимә апаның. Ул балаларга үзенең бала чакларын, сугыш китергән авырлыклар, Җиңү көне турында сөйләде. Һәрбер баланың аркаларыннан сөеп, рәхмәтләрен белдерде.

Якынлашып килүче Җиңү көне белән сезне ветераннарыбыз! Якыннарыгызның кадер-хөрмәтен тоеп яшәгез. Күкләребез аяз, көннәребез имин, тыныч булсын!