Равил Бикбаев вәгазе Рамазан аена багышланды

Җомга кичендә Үзәк мәчетебездә узган вәгазь кичәсенең кунагы Казан шәһәре "Әмәт" мәчете имам-хатыйбы, дин галиме Равил хәзрәт Бикбаев булды. Санаулы көннәрдән килеп җитәчәк изге кунак - Рамазан аена багышланган иде бу кичә. Бу ай белән бәйле һәр мәсьәләгә җентекләп тукталды Равил хәзрәт, аны исән-имин каршы алып, олы бу нигъмәтнең кадерен белеп, Раббыбыз Үзе риза булырлык итеп гыйбадәттә уздырырга насыйп булса иде дигән дога-нәсыйхәтләрен калдырды.
Әйдәгез кадерле дин кардәшләрем, дусларым Рамазан аен исән-имин каршылап Ураза тотып, мәчетләребездә Тәрәвих намазларын укып, Коръән укып, күберәк изге гамәлләр кылып, җаныбызда, калебләребездә булган хата-кимчелекләрдән, чирләреннән, күңел авыруларыннан арынып Аллаһка тагын да якынаеп ике дөнья бәхетенә һәммәбезгәдә ирешергә насыйп булсын, дип хәбәр ителә "Ислам-Нуры Мәчете" төркемендә.