12 сентябрь көнне барлык мөселман дөньясы Корбан бәйрәмен билгеләп үтәчәк.
Корбан бәйрәме мөселманнар өчен зур, шатлыклы көн. Бу көнне гает намазлары укыла. Аллаһы Тәгалә ризалыгына корбаннар чалына.
Корбан чалу йоласы Ибраһим галәйһиссәлам белән Исмәгыйль галәйһиссәламнән калган. Бу хакта Аллаһ Раббыбыз Коръәндә менә нәрсәләр әйтә: "Аларның (корбанга чалынган хайваннарның) ни ите, ни каны Аллаһка түгел, Аңа фәкать сезнең тәкъвалыгыгыз гына ирешә" ("Хаҗ" сүрәсенең 37 нче аяте).
Корбан Аллаһы Тәгалә ризалыгы өчен чалынып, корбанлык ите гаиләгә, кунакларга һәм күршеләргә, фәкыйрьләргә һәм мескеннәргә өләшенә.
Нет комментариев