24 сентябрь, ягъни шимбә көнне, 21 сәгать 40 минутта, бистәнең Нариман урамындагы 80нче йорт каршында юл һәлакәте була, үзәктән Кече Лызига таба юнәлгән Хэндэ Соната шоферы каршы як полосага чыга, һәм 1978 елгы җәяүле егетне бәрдерә.
Зыян күрүче Арча хастаханәсенә озатыла, баш миенә зыян килүе, аңына килалмавы мәгълүм. 1992 елгы шофер егет узган ел -2, быел 3 мәртәбә административ җаваплылыкка тартылган, руль артында - 6 ел.
Көзге кичләр бик караңгы. Бөтен урамда да утлар янмый. Һичкенә дә яктырткыч кайтарткыч җайланмалардан тыш йөри торган түгел. Сакланып йөри күрегез, берүк, Ходай хагыннан, нахагыннан сакласын!
P.S. Соңгы минутларда мәгълүм булды: зыян күрүче аңына килгән, Арча хастаханәсендә дәвалануын дәвам итә.
Нет комментариев