2026 ел башыннан Россия Социаль фонд бүлеге бала туганда бер тапкыр бирелә торган пособиеләргә 36 миллион сумнан артык акча җибәргән

Күләме 28 450 сум тәшкил иткән  әлеге төр  түләү Татарстан Республикасы буенча Социаль фонд бүлеге тарафыннан ата-аналарның берсенә бирелә. Ел башыннан 20 298 гаилә әлеге ярдәм чарасыннан файдаланган инде.

Бала туганда бер тапкыр бирелә торган пособие теркәлгән күләмдә билгеләнә һәм ел саен 1 февральдән индексацияләнә.  Ата-ана район коэффициентлары кулланыла торган территориядә эшләгән очракта, түләү аларны исәпкә алып башкарыла.

Эшләүче ата-аналарга пособие гариза тапшырмыйча  гына -  ЗАГСның бердәм дәүләт реестры мәгълүматлары  һәм эш бирүче белешмәләре нигезендә рәсмиләштерелә. Түләү баланың тууын дәүләт теркәвенә алу турында мәгълүмат кергәннән  соң 10 эш көне аралыгында күчерелә. Акчалар банкка күчерелә яки почта бүлеге аша килә.

Эшләмәүче ата-аналар гаризаны мөстәкыйль рәвештә үзләре тапшыра. Моны бала туган көннән алып 6 айдан да соңга калмыйча "Дәүләт хезмәтләре" порталы, Социаль фонд яисә күпфункцияле үзәкнең клиент хезмәте аша эшләргә кирәк. Түләү билгеләү турындагы карар гаризаны теркәгәннән соң 10 эш көне дәвамында кабул ителә. Акча  5 эш көне дәвамында күчерелә.

"Бала туу - мөһим вакыйга, һәм дәүләт бу чорда гаиләгә мөмкин булган кадәр тиз  ярдәм итәргә омтыла. Эшләүче ата-аналар өчен пособиене автомат рәвештә рәсмиләштерү –ата-аналарның вакытларын  формальлеккә азрак,  сабыйлар турында кайгыртуга күбрәк юнәлтсеннәр өчен  ясаган адымнарның берсе,” - дип өстәде Социаль фондның Татарстан Республикасы буенча бүлеге идарәчесе Эдуард Вафин.