Үзен һәм өч баласын үтерергә уйлаган

Межгорьедагы бу фаҗигане уяу күршеләре булдырмый калган.

Иртә таңнан коткару хезмәтенә бу хатынның күршеләре шалтыраткан. Аларны балигъ булмаган өч баласы белән бер фатирда яшәүче ханым куркыткан.

Вакыйга урынына килгән хокук сакчылары ишекне ватып кергән һәм ваемсыз ананың үз-үзен һәм балаларын үтерергә җыенуын белгән.

Хатын әнисе белән ызгышканнан соң шундый фикергә килгән. Билгеле булганча, бу вакытта өч бала анасы исерек хәлдә була.

Аны - полиция бүлегенә, ә балаларны медсанчастька алып киткәннәр. Аларга психологик ярдәм күрсәтелгән, дип яза Кызыл таң.

Фото: pixabay.com/ru

Автор: Резеда Галикәева