Район башлыгы Россия Федерациясе Президентының Мактау грамотасы белән бүләкләнде

Татарстан Республикасы Рәисе Рөстәм Нургали улы Миңнеханов Балтач районы башлыгы Рамил Рәшит улы Нотфуллинга Россия Федерациясе Президентының Мактау грамотасын тапшырды.

Югары дәүләт бүләге Рамил Рәшит улының күпьеллык намуслы хезмәтен, профессиональлеген һәм район үсешенә һәм анда яшәүчеләрнең тормыш дәрәҗәсен күтәрүгә керткән зур өлешен тану булды.

Мактау грамотасы – җитәкченең шәхси хезмәтенә генә түгел, ә бөтен Балтач районының бердәм эш нәтиҗәсе булган казанышларына да югары бәя бирү ул.