Бүген Сарман аграр көллиятендә "WorldSkills" һөнәри осталык чемпионатының төбәк этабы үтә.
«Авыл хуҗалыгы машиналарын эксплуатацияләү» компетенциясендә Арча аграр көллиятенең Нормадагы икенче номерлы филиалы студенты Рәсим Габдрахманов та катнаша.
– Бәйге бик катлаулы һәм кызу үтә. Уку дәверендә алган теоретик һәм практик күнекмәләр Рәсимгә ярдәм итәчәк. Исәбебез җиңү, – диде студентны ярышка әзерләгән укытучы Рәйхан Низамов.
Уңышлар телик. Ярышлардан соң алар белән кабат очрашып, әңгәмә корачакбыз әле. Бездән аерылмагыз.
Нет комментариев