Арбор "Нәфисә"ләре

Ильнур, 27 апрель 2014 - 18:19

2596

Арбор авылында яшәүче ике бертуган Мәүлиха һәм Нәсимә әбиләр белән таныштым да, Г.Бәшировның "Намус" романының төп герое Нәфисә күз алдына килеп тә басты.

Бу әбиләр дә, нәкъ Нәфисә кебек тырышлар, булганнар, яшь чакта кулларында "ут уйнатканнар", эштән бүтәнне белмәгәннәр... Тормышка да чыкмаганнар, дүрт кыз бала үскән гаиләдә әти-әниләренә терәк, нигез дәвамчысы булып яшәгәннәр. "Йорт-җирләре гел караулы булды, мал-туар асрадылар, бар эшләрен үзләре эшләделәр, әле дә безне борчымыйлар", - ди җирле үзидарә җитәкчесе Азат Нотфуллин.