Бүген Шубан җирлегенә кергән Ярак-Чурма, Гондырево авылында яшәүчеләрнеӊ зур бәйрәме - Ярак-Чурма авылында мәдәният учагын, башлангыч мәктәп һәм балалар бакчасын үз эченә алган яӊа күпфункцияле үзәк ачылды.
Бу вакыйга белән авыл хезмәтчәннәрен Татарстан Республикасы Премьер-министры Илдар Халиков котлады. Район башлыгы Рамил Нотфуллин районда Татарстан Республикасы Президенты тәкъдим иткән Программалар үтәлеше белән таныштырды, бу чираттагы зәвыклы бина шуныӊ бер мисалы дип билгеләп үтте. Килгән кунаклар, җирлек башлыклары, хужалык җитәкчеләре барысы да бердәм булып төзелгән бинаныӊ кирәклеген әйтеп, монда яшәүчеләрнеӊ шатлыкларын уртаклаштылар.
Нет комментариев