Әфлисунның кабыгын ашарга киңәш ителә

Бу "букет" арасында тикшеренүчеләрне бигрәк тә FP метаболиты кызыксындырган. Элегрәк аны грейпфрутның яфракларында һәм согында тапкан булганнар. Ул кайбер әфлисунның йомшагында да бар, ләкин барыннан да бигрәк – аның кабыгында, дип яза Шәһри Казан.

Әмма организмга, йөрәк-кан тамырлары системасына ничек тәэсир иткәнен фән белми диярлек. Моны галимнәрнең халыкара командасы ачыкларга булган. Шулай итеп, алар эксперимент барышында алты атна буе тычканнарга әфлисун кабыгы экстрактын ашатканнар.

Нәтиҗәсе нинди дисезме? Кимерүчеләр канында организмда ялкынсыну, шулай ук йөрәк-кан тамырлары авырулары булу турында сигнал бирә торган биомаркерлар саны шактый кимегән булып чыккан.

Дөрес, әлегә әфлисун кабыгының кешеләргә тәэсире тычканнарныкы кебекме икәнлеге билгеле түгел. Шуңа күрә тикшеренүләр дәвам итәчәк. Хәер, сәламәтлек фанатларына әфлисун кабыгын хәзер үк куллана башларга берни дә комачауламый.