Бушлай медицина ярдәме: нәрсәләр үзгәрәчәк?

Төп үзгәрешләр: 

• ОМС кысаларында программаны финанслау 500 миллиард сумнан артыкка, яки 16,5 процентка арткан; 
• демобилизацияләнгән махсус хәрби операция катнашучыларына медицина ярдәме күрсәтү буенча аерым бүлек өстәлгән — алар югары технологияле медицина ярдәме һәм реабилитация чараларын, санаторий-курорт дәвалануын, киңәйтелгән диспансеризацияне өстенлекле узу хокукына ия булачак; 
• стационарда дәваланган пациентларның эпикризлары яшәү урыны буенча поликлиникага тапшырылачак; 
• шифаханә-курорт дәвалануын аерым бүлек итеп чыгарганнар — «Һәркем өчен сәламәтлек» яңа федераль проекты кысаларында һәр россияле авырулар үсеше куркынычы факторларын ачыклау буенча тикшерү узарга һәм сәламәт яшәү рәвеше алып бару буенча киңәшләр алырга хокуклы булачак; 
• авыр һәм тормыш өчен куркыныч янаган авырулардан интегүчеләргә Россиядә теркәлмәгән дару препаратларын билгеләү тәртибе актуальләштерелгән; 
• онкология белән авыручы пациентлар өчен шешкә каршы дару терапиясенең аерым схемаларын билгеләү өчен молекуляр-генетик һәм иммуногистохимик тикшеренүләр үткәрү мәҗбүри булачак; 
• ерак һәм барып җитү авыр булган торак пунктларда яшәүчеләр өчен өйдә стационарлар оештыру мөмкинлеге барлыкка килгән.

Шәһри Казан  

Район тормышына кагылышлы иң мөһим яңалыкларны безнең Макс каналыннан да белә аласыз!