Мобиль поликлиникалар Татарстан районнарында яшәүче 22 меңнән артык кешене тикшергән
Бүген биш «мобиль поликлиника» республиканың ерак районнарында эшен дәвам итә
Бүгенге көнгә мобиль поликлиникалар, Татарстанның 27 районына барып, 22 меңнән артык кешене тикшергән. ТР сәламәтлек саклау министры Альмир Абашев социаль челтәрләрдә шул хакта хәбәр итте.
«Тикшерелгәннәрнең 13 процентында беренче тапкыр теге яки бу авырулар ачыкланган. Һәр өченче пациент өстәмә тикшерүгә җибәрелгән. 3,5 проценты хастаханәгә озатылган», - дип язган сәламәтлек саклау министры.
Бүген биш «мобиль поликлиника» республиканың ерак районнарында эшен дәвам итә. Профилактик ярдәмне, шул исәптән «Озын һәм актив тормыш» илкүләм проекты буенча диспансерлаштыру кысаларында да, Республика клиник хастаханәсе, Төбәкара клиник-диагностика үзәге, Казанның 7нче шәһәр хастаханәсе, Чаллының 5нче шәһәр хастаханәсе һәм Әлмәт районы күп профильле хастаханәсе белгечләре күрсәтә.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев