Табиб Гонконг гриппының нинди хәтәр белән янавын аңлаткан

Хәзерге вакытта Россиядә «котырган» Гонконг гриппы башка штаммнарына караганда тизрәк тарала һәм авыррак өзлегүләргә китерергә мөмкин.

Табиб-терапевт Александр Паньковецкий «Лента. ру» хәбәрчесе белән әңгәмәсендә билгеләп үткәнчә, грипп бигрәк тә үпкә ялкынсынуына китерү куркынычы белән яный.

«Ялкынсынуны турыдан-туры грипп вирусы да, шулай ук, чир аркасында иммунитет какшау сәбәпле, бактерияләр дә китереп чыгарырга мөмкин», — дип билгеләп үткән табиб.

Шулай ук, белгеч сүзләренә караганда, Гонконг гриппының синусит, отит һәм гайморит кебек колак-тамак-борын авыруларына да юл ачуы бар.

Моннан тыш гриппның әлеге штаммы бик сирәк кенә нерв системасына сугарга мөмкин: мондый очракларда энцефалит, менингит кебек чирләр баш калкыта. Шулай ук, табиб әйтүенчә, Гонконг гриппының бөерләргә, йөрәк-кантамырларына, йөрәккә дә бәрүе ихтимал. Белгеч чир ияртүчеләргә үз белдеклеләнеп дәваланмаска, бәлки беренче билгеләре күренүгә үк табибка барырга киңәш иткән.

Тулырак: https://vatantat.ru/news/tabib-gonkong-grippynyn-nindi-xatar-belan-ianavyn-anlatkan-110822