Татарстанда тәүлек эчендә коронавирусның тагын 60 очрагы ачыкланган

ТР Сәламәтлек саклау министрлыгының матбугат хезмәтендә хәбәр итүләренчә, Татарстанда узган тәүлектә яңа Covid-19 коронавирусының 60 очрагы теркәлгән, 26 кеше хастаханәләргә урнаштырылган, 34 кеше өйләрендә дәвалана, дип яза "Татар-информ"

Балигъ булмаганнар арасында авыруның бер очрагы бар.

Казанда — 34, Чаллыда — 7, Нурлат районында — 6, Түбән Кама районында — 5, Алексеевск районында — 2, Әлмәт, Арча, Югары Ослан, Мөслим, Тәтеш, Чистайда - берәр авыру очрагы теркәлде.

Бүгенге көндә республикада 17 427 Covid-19 очрагы теркәлгән.

Барлыгы 61 108 кешегә вакцинация ясалган (тәүлек эчендә үсеш - 7 621), шуларның 10 208 кеше икенче доза алган.