Алеся Фролова - республикакүләм спартакиадада II урын яулады (фото)
Республика күләмендә муниципаль хезмәткәрләрнең спартакиадасы кысаларында, 10 һәм 11 март көннәрендә Зәй шәһәрендә чаңгы ярышлары узды.
Республиканың 43 районы командасы арасында Балтач данын яклап, 2 хатын-кыз, 2 ир-егет көч сынашты. Менә алар: район башкарма комитеты җитәкчесенең беренче урынбасары Илшат Галимуллин, район башкарма комитеты җитәкчесе урынбасары Илһам Гайнетдинов, район мәгариф идарәсе җитәкчесе Алия Зәкиева, район башкарма комитетының юридик бүлек хезмәткәре Алеся Фролова.
Хатын-кыз чаңгычылар арасында район башкарма комитетының юридик бүлек хезмәткәре Алеся Фролова республика күләмендә II урын яулады. Алесяны бу зур җиңүе белән ихластан котлыйбыз. Алга таба да уңышлар телибез.
Ә ярышларның гомуми нәтиҗәләре буенча райондашларыбызның командасы - бишенче урында.
Чыгынак: http://baltasi_official
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев