“Авыл яшьләре” Х җәйге спорт уеннарында балтачлылар сынатмый (фото)

Ильнур, 29 август 2017 - 15:41

2678

Райондашларыбыз Зәйдә үткәрелүче "Авыл яшьләре" Х җәйге спорт уеннарында ирешкән уңышлары белән сөендерүләрен дәвам итәләр.

“Авыл яшьләре” Х җәйге спорт уеннарында балтачлылар сынатмый (фото)

26 августта Зәйдә Татарстан Республикасы "Авыл яшьләре" Х җәйге спорт уеннары старт алган иде. Ярышларда республиканың 43 районыннан авыл спортчылары катнаша.

Барлык төр спорт ярышлары белән беррәттән механизаторларның һәм сыер саву операторларының да һөнәри осталыкларын сыйныйлар.

Механизаторлар ярышында райондашыбыз, Сосна авылы кызы, күптән түгел генә Россия күләмендә узган "Урман гүзәле" бәйгесендә икенче урын яулаган Гүзәл Габдрахманова трактор йөртү буенча беренче урынны алуга иреште. Гүзәл шулай ук йөгереш, атлетика буенча да матур нәтиҗәләр күрсәтеп, беренче урыннарны яулаган, Афәрин, Гүзәл!!!

Туризм буенча Илсур Вафин - 2 урын, Илшан Вафин - 3 урын, Алисә Хөснетдинова - 2 урын, Илүзә Гыйльманова - 3 урын, ә гомуми зачетта 2 урын алып, командалар арасында да 2 урынны яулаганнар.

Таяк тартышында - Ралия Хисаметдинова -3 урын.

Билбау көрәшендә - Илнар Муллаәхмәтов - 3 урын;

Рәдис Сәмигуллин 100 кг.га кадәр - 2 урын;

90 кг. үлчәү авырлыгында Руслан Рафиков - 1 урын;

60 кг. үлчәү авырлыгында Ильдан Әхмәтханов - 2 урын;

Гер күтәрүдә - Ләйсән Гайфиева 3 урын,

Рөстәм Гыйззәтуллин - 3 урын.

Алга таба да райондаш егет-кызларыбызның уңышлары белән таныштырып барырбыз. Уңышлар һәм җиңүләр насыйп булсын иде. Республиканың 43 районы арасында көч сынашу җиңел эш түгел?!