Спорт
Балтачта бертуган Таҗетдиновлар бадминтон ярышлары үткәрде (фото)
Бертуган Равил һәм Камил Таҗетдиновлар призларына бадминтон ярышлары быел да матур гына узып китте.
"Хыял" яшьләр үзәге үзенә 50 дән артык 2002-2004 елларда, 2005 елда һәм аннан соңгы елларда туган балалар һәм зурларны җыйды. Шушы игелекле кешеләр ярдәмендә бадминтоныбыз да районкүләм аренага чыкты. Инде җиңүчеләребез белән дә танышып узыйк:
2002-2004 елгы балалар арасында беренче урынны Миләүшә Фролова һәм Нәзир Гыйльманов /икесе дә Субаштан/, икенче урынны Нәргизә Мортазина /гимназия/ һәм Дәниф Һадиев /Субаш/, өченче урынны Алинә Ильина /Субаш/ һәм Данил Бариев /гимназия/ яуладылар.
2005 елда һәм аннан соңгы елларда туганнар арасында бу урыннарны бертуган Азалия һәм Азат Мөхәммәтгалиевлар /Балтач мәктәбе/, Зәринә Гарипова /Хәсәншәех мәктәбе/ һәм Кәрим Нуриев /гимназия/, Сәйдә Шиһапова һәм Булат Кашапов /икесе дә гимназиядән/ бүлештеләр.
35 һәм 40 яшькә кадәргеләр арасында район чемпионы булып Любовь Максимова /"Хыял" яшьләр үзәге/ һәм Зөлфәт Нәбиев /Кенә/ танылдылар. Икенче урынга Азалия Хәбибуллина /Субаш/һәм Илназ Шаһиев /Кенә/, өченче урынга Зилә Хәсәнова /Балтач/һәм Ирек Мортазин /гимназия/ чыктылар.
Ә инде 35 һәм 40 яшьтән өлкәнрәкләр арасында призлы урыннарны Гүзәл Хәкимова /гимназия/ һәм Рөстәм Нигьмәтҗанов /"Балтач газы"/, Әлфия Зиятдинова /"Хыял"/ һәм Булат Фәтхрахманов /үзәк шифаханә/, Елена Шәйхиева /Балтач/ һәм Рифат Мостафин /Хәсәншәех/ яуладылар.
Җиңүчеләргә төрле дәрәҗәдәге медальләр, кубоклар, дипломнар тапшырылды.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев