Балтачта эстафета үтте. Кемнәр җиңде? (фото, видео)

Бүген, 1 май көнне, үзәк стадионда мәктәп, оешма, предприятия, учрежденияләр, авыл җирлекләре арасында МДСУ-1 оешмасы призына йөгерү эстафетасы буенча ярыш узды.

Ярышны ачу тантанасында Балтач район башкарма комитеты җитәкчесе Айдар Фоат улы Хәйретдинов катнашты. Балтач район башкарма комитеты яшьләр эшләре һәм спорт бүлеге җитәкчесе Рөстәм Заһидуллин һәм спорт мәктәбе тренеры Рәлиф Әскаров ярыш тәртипләре белән таныштырып үтте.

Эстафетада барлык район мәктәпләре, оешма, учрежденияләр һәм авыл җирлекләреннән командалар катнашты. 

Гомуми мәктәпләр арасында җиңүче командалар:

• 1 урын — Шеңшеңәр мәктәбе командасы
• 2 урын — Кенә мәктәбе командасы
• 3 урын — Арбор мәктәбе командасы

Урта мәктәпләр арасында җиңүче командалар:

• 1 урын — Балтач мәктәбе командасы
• 2 урын — Балтач гимназиясе командасы
• 3 урын — Чепья мәктәбе командасы

Зурлар арасында җиңүче командалар:

• 1 урын — Яңгул җирлеге командасы
• 2 урын — Балтач район башкарма комитеты командасы
• 3 урын — Мәгариф идарәсе командасы

Айсылу Нуриева язмасы