Чепьяда спонсорлар чаңгыда ярыштыра

Чепья авылында Никитиннар белән Хәлиловлар гаиләләре балалар арасында чаңгы ярышлары оештырганнар.

Мактау таныклыклары, медальләр, бүләкләр... барысын да тиешенчә әзерләгәннәр, коймак пешереп, чәй дә эчерткәннәр.

Ярышта җирлекнең балалар бакчасы балалары, Чепья урта мәктәбенең 1 һәм 8 сыйныф укучылары катнашкан.

Укытучылар, әти-әни, балалар тренерлары Роман Валентинович белән иганәче Раушан Хәлиловка бик рәхмәтле. Раушан һөнәре буенча инженер, хатыны Энҗе тәрбияче. Үзе дә, балалары да чаңгы спортын бик ярата, әлеге спорт төрен үстерү буенча мөмкинлекләрен кызганмый (һәм берничә фото).