"Динамо-Ак Барс" волейболчылары икенче ел рәттән Россия Кубогына ия булдылар

«Динамо-Ак Барс» волейбол клубы икенче ел рәттән Мәскәүдә узган Россия Кубогының «Дүртлек финалы»нда җиңүче булды. Мәскәү «Динамо»сына каршы очрашу Казан клубының 1:3 исәбе белән җиңүе белән тәмамланды.

Кичәге ярымфиналдан соң, Казан клубының тренерлар штабы алмашны ясамаска карар иткән, шуңа күрә яңадан мәйданчыкта: Саманта Брисио белән Арина Федоровцева универсаль уенчылар буларак, Ирина Королева һәм Таисия Коновалова блокта, Саманта Фабрис диагональдә, Евгения Старцева һәм Анна Подкопаева либеро позициясендә пәйда булган.

Матчның беренче сеты Мәскәү командасы диктовкасы астында узды. Подкопаева мөмкин булган һәм булмаган барлык тупларны да күтәрде, хәтта ул да бөтен мәйданчыкта эшләргә өлгерде. Гыйлаҗетдинов шәкертләре дә иң яхшы кабул итүне күрсәтмәде, Казан блогы эшләмәде. Подкопаевадан тыш Фабрисны аерым атарга мөмкин, ул көтмәгән җирдән дә очколар эшләгән. Әмма Мәскәү белән көндәшлек итү өчен ике уенчының гына көче җитмәде.

Икенче партия бик күңелле узды, бу гади матч түгел, ә финал булуы күренә иде. казанлылар кызып китте, уен һөҗүм аркасында түгел, ә саклану аркасында — барлык атакалар да диярлек волейболчылар тарафыннан күтәрелде. Бу "Динамо-Ак Барс"ка исәпне тигезләргә мөмкинлек бирде.

Өченче сетта Казан клубы үзләренең һөҗүм итү потенциалын бик куәтле гамәлгә ашырды. Турнир хуҗабикәләре узган партиядән соң югалган булып чыкты. Фабрис иң яхшылардан булмады, диагональ җитәрлек эшләмәсә дә «Динамо-Ак Барс» партияне аерымачык өстенлекк белән тәмамлады.

Уенның дүртенче кисәгендә Казан командасы сыйфатлы башлангыч күрсәтте, әмма хаталары мәскәүлеләргә алга ыргылырга мөмкинлек бирде. Соңгача «Ак Барс»ка көндәшләрен куып җитәргә туры килде, әмма Королеваның ике блогы командага җиңү яуларга мөмкинлек бирде. Шулай итеп алар алтынчы тапкыр Россия Кубогына ия булдылар

"Динамо" (Мәскәү) — "Динамо-Ак Барс" (Казан)) — 1:3 (25:22; 21:25; 15:25; 22:25).

Фото: "Динамо-Ак Барс" ВК матбугат хезмәте

Тулырак: ТИ