Балтачта сайлауларда өлкәннәр өлгерерәк (фото)

Өлкәннәр электән бу вакыйгага гаять игътибарлы караганнар, сайлауга бару иӊ беренче бурыч итеп куелган. Балтач үзәгендә урнашкан 1090 сайлау участогында беренче сайлаучы булып сугыш һәм хезмәт ветераны Мансур Хәсбиуллин килде. Тыл ветераны Сәяф Сабиров та аныӊ артыннан ук участокка килеп җитте. Башка ветераннар да үз тавышларын бирер өчен иртән участокларга килеп җиткәннәр, аларны анда җырлар белән каршы алдылар, «Чәй йорты»нда пешерелгән күптөрле тәмле камыр ризыклары да алырга тәкъдим ителде.