Бүген 27 градуска кадәр җылы булуы көтелә

Бүген, 23 сентябрьдә, Татарстанда җылы һәм коры һава торышы саклана. Бу хакта ТР Гидрометеорология үзәге хәбәр итә.

Республика территориясендә алмашынучан болытлы һава булачак, сизелерлек явым-төшем көтелми. Иртән урыны белән төнлә төшкән томан саклана.

Җил көнчыгыш һәм төньяк-көнчыгыштан исә, аның тизлеге секундына 4-9 метр тәшкил итә.

Татарстанда һава көндез +22..+27 градуска кадәр җылыначак (Казанда термометр баганалары +23..+25 градуска кадәр күтәреләчәк).

Татар-информ