1074 нче номерлы Салавыч сайлау участогында кичке сәгать 5 белән 6 арасында кеше хәйран азайды. Чөнки инде барлык сайлаучының 99 проценты тавыш биреп бетерде.
Биредә 1350 сайлаучы исәптә булып, шуның 15е мәгълүм сәбәпләр нәтиҗәсендә башка участокта сайлаячагын алдан-ала белдереп, таныклык алган. Мәдәният үзәгендә урнашкан сайлау участогында музыка тынмады, концерт номерлары яңгырады. 18 яше тулган 19 егет-кыз беренче тапкыр сайлауда катнашты, - Булат Нәфыйков, Фаил Дәүләтшин, Таһир Хөрмәтуллин, Гөлинә Габделганиева, Рәзилә Габделхакова һәм дә калганнары үз тавышларының мөһим роль уйнаячагына ышаналар. Авыл җирлеге башлыгы Рафил Сибәгатуллин җитәкчелегендәге төркем, төрле сәбәпләр нәтиҗәсендә сайлауларга килалмаучы 32 сайлаучының өенә барып, аларга илдәге мөһим сәяси вакыйгада үз тавышларын бирергә мөмкинлек тудырды.
Нет комментариев